EUR USD RUB

Ədəbiyyat

Şuşada basdırın məni – YENİ ŞEİR

  • 841 dəfə
  • Tarix 07 Dekabr 2017 / 14:48

 

Kulis.az Gəray Göyyurdun yeni şeirini təqdim edir.

 

Kəlbəcərdə dağa bükün,

Göyçədə torpağa bükün.

Ağdərədə ağa bükün,

Şuşada basdırın məni.

 

Cəbrayıldan gəlsin suyum,

Füzulidə nəşim yuyun.

Laçında namaza qoyun,

Şuşada basdırın məni.

 

Xocalını qucaqlayım,

Zəngilana çatsın hayım.

Məni Ağdamda ağlayın,

Şuşada basdırın məni.

 

Qoy Xankəndi anam olsun,

Araz ağlar sonam olsun.

Qubadlı son duam olsun,

Şuşada basdırın məni.

 

Ana yurdun Borçalısı,

Dərbəndin dəmir qapısı.

Alın düşməndən qisası,

Şuşada basdırın məni.

 

Savalanı taxt eyləyin,

Təbrizi ağbaxt eyləyin.

Şuşanı paytaxt eyləyin,

Şuşada basdırın məni.

 

 

SİZİN REKLAM BURADA