EUR 2.106 USD 1.7001 RUB 0.0301

Ədəbiyyat

Bir Əli Kərim şedevri - MƏTN

  • 955 dəfə
  • Tarix 11 Fevral 2018 / 14:01

Kulis.az “Bazar oxusu” layihəsindən Əli Kərimin “...xatirəsinə” şeirini təqdim edir.

 

O, dünyada yox imiş.

Gördüyüm kəs yuxuymuş...

Nə siqaret çəkərmiş,

Hey sümürə-sümürə.

Nə də

baş qaldırarmış

xırda bir səs-səmirə.

Oturmazmış

burada,

bu divarın yanında.

Görünməzmiş

dərdimiz

onun həyəcanında.

Özü olmadığından

olmayıb bir arzusu.

Nə biz olmuşuq,

nə o,

Ağ bir yalan imiş bu.

Ağlama, könlüm,

kiri...

Gözümdə yaş qalmayıb,

Bu adda,

bu nişanda,

O gözəl gənc

cahanda

Olmayıb,

olmayıb,

olmayıb...

 

1969

 

SİZİN REKLAM BURADA