EUR 1.9921 USD 1.7 RUB 0.0273

Ədəbiyyat

Qurbağanın nağılı - TƏMSİL

  • 706 dəfə
  • Tarix 16 Aprel 2018 / 15:01

Kulis.az Nazim Nəsrəddinovun “Qurbağanın nağılı” təmsilini təqdim edir.

 

Qurbağanın qur-quru bürümüşdü aləmi...

Elə bil gəlmiş idi  onun şairlik dəmi.

Çox dedilər, Qurbağa, beynimizi  qoparma,

Bu səsinlə, küyünlə zəhləmizi aparma....

Eşitmədi Qurbağa nə öyüdü, nə pəndi;

Quruldadı qurhaqur, dedi ki, söz mənimdi.

Yığışdılar qonşular bu göldə ki nə ki var,

Eylədilər məşvərət, çıxarıldı sərt qərar;

Zəhlətökən Qurbağa gərək çıxsın qırağa,

Onun qur-qur səsindən biz düşmüşük yatağa...

Elə bil ki, nohura  balaca daş atdılar...

Bundan sonra rahatca  yerlərində yatdılar.

 

***

 

Ay Qurbağa, bax necə çıxarılır nəticə,

Oturdulur yerində yaramazlar gör necə...

Qərar sənə olsun dərs, bundan sonra olma tərs.

Demə ki, həvəs idi...

Həvəs idi, olsun bəs...

 

SİZİN REKLAM BURADA