EUR 1.9978 USD 1.7 RUB 0.0273

Media

Orhan Pamuk qadağası İranı bir-birinə vurdu

  • 1114 dəfə
  • Tarix 15 May 2018 / 10:31

 

Orhan Pamuk əsərlərindən bəzilərini nəşr edən Kaknüs nəşriyyatının dəvəti ilə Tehran Beynəlxalq Kitab Festivalında iştirak etmək üçün Tehrana gedib.

 

Kulis.azın türk mətbuatına istinadən verdiyi xəbərə görə onun gəlişinə etiraz edən İran Parlamenti Mədəniyyət Komissiyasının üzvü Nəsrullah Peymanfer olub.

 

O, tədbirlərin ləğv edilməsi üçün çağırış edib. Bu çağırışdan sonra Pamukun proqramları ləğv edilib. Orhan Pamuku dinləməyə gələn iranlılar tədbirin keçiriləcəyi yerin qapısında “ləğv edildi” yazısı ilə rastlaşıblar.

 

Bu hadisələrdən sonra İran Sazendegi qəzeti Orhan Pamukun şəklini manşetdən verib. Azərbaycanda da əsərləri çap olunan iranlı yazar Mustafa Məstur, Orhan Pamukun Tehrandakı proqramlarının ləğv edilməsinə sosial media hesabından etiraz edib. Məstur paylaşımını “Mən iranlı bir yazar olaraq bir türk yazara bu şəkildə davranılmasından öz adıma utanıram” sözləri ilə bitirib.

 

Pamukun səfər çərçivəsində yerli geyimlə şəkil çəkdirməsi də nəzərlərdən yayınmayıb.

 

 

 

 

 

 

SİZİN REKLAM BURADA