Hansı dində fahişəlik müqəddəs hesab olunurdu? – ARAŞDIRMA

 

 

Bu gün fahişəlik tabu sayılsa da dünyanın bir çox yerində qanunla qəbul olunur. Fahişələr vergi verirlər, həm özləri qazanırlar, həm də dövlət. Bəs fahişəlik necə ortaya çıxdı və tarix boyunca necə dəyişdi, fərqli bir rəng aldı? Müqəddəs hesab olunan fahişəlik necə oldu ki əxlaqsız peşə hesab olundu?

 

Fahişəliyin ilk izlərinə Mesopotamiyada rast gəlirik. Təəccüblü gəlir sizə? İnsanlıq tarixinə aid yaxşı və pis qəbul edilən nə varsa Mesopotamiyada ortaya çıxıb. Ona görə də təəccübü qoyaq bir kənara...

 

Məsələnin qəribə bir tərəfi var: Mesopotamiyadakı ilk böyük sivilizasiya olan Şumerlərdə fahişəlik dini təcrübə kimi meydana gəlmişdi. Şumer toplumunda fahişəlik Eşq və Müharibə Tanrısına (o zamanlar “savaşma, seviş” devizinin yerinə “savaş və seviş” vardı) ithaf edilmişdi. Eşq və Müharibə Tanrısı İnanna həm də Göyün Fahişəsi adlandırılırdı. Tarixə görə, fahişəlik Cənnət Evləri adlanan məbədlərdə başlamışdı. Cənnət Evləri məbədlərinin böyük hissəsi Dəclə və Fərat çayları arasındadır.

 

 

İnanna eyni zamanda bərəkət tanrısı idi. Bunu da tarixin ilk bilinən tarixçisi Herodotdan öyrənmişik. Cənnət Evləri məbədlərində sığınacaq tapan və İnannaya xidmət edən fahişələr eyni zamanda buranın rahibələri sayılırdı. İnannanın məbədinə ziyarət edənlər isə daha çox əkinçilər idi. Əkinçilər pul qarşılığında rahibələrin müqəddəs bədənlərinə sahib olurdular. Onlar rahibələrin bədənlərindən aldıqları güclə İnanna ilə əlaqəyə girdiklərini düşünür və tanrının bərəkətindən faydalanmaq istəyirdilər.

 

Rahibələr cinsəlliklə bağlı seks terapevti xidməti də edirdilər. Eyni zamanda tanrının bərəkətinə xeyir-dua vermək üçün əkin zamanı krallarla baş rahiblərin sevişmə ritualları reallaşdırılırdı. Seks həyatın hər yerindəydi və cəmiyyəti düzəltməyin ən faydalı yolu hesab olunurdu.

 

Antik dövrdə fahişəliyin izinə “Gilqamış” dastanında da rast gəlmək olur. Dastanda bəhs olunan Harimutlar həm məbədlərdə, həm də küçələrdə çalışan aşağı sinif fahişələr sayılırdı.

 

Antik mədəniyyətdə fahişəlik cəmiyyətdə önəmli rol oynayırdı. Fahişələr cəmiyyəti quran, onu qoruyan insanlar hesab olunurdu. Babil kralı, tarixdə ilk qanunları hazırlayan Hammurabi fahişələri dul qadınlarla eyni cərgəyə qoymuşdu.

 

 

Antik Yunan mədəniyyətində fahişəlik dövlətin əlinə keçmişdi. Tarixdə ilk dəfə fahişə sektoruna vergi qoyulmuşdu. Afinada fahişəliyin artırılması ilə möhtəşəm bir ordu qurulacağı, iqtisadiyyatın inkişaf etdirilməsi düşünülürdü.

 

Bəs yaxşı, hər şeyin belə normal getdiyi vaxt necə oldu ki, fahişəlik lənətlənməyə başlanıldı? Müqəddəs hesab olunan, dəyərləndirilən fahişəlik niyə birdən-birə gözdən düşdü?

 

Əslində bu sualın tək bir cavabı var: çoxallahlıq yerini təkallahlığa verəndə fahişəlik lənətlənməyə başlamışdı. Qərbdəki dini fanatiklərin sayının artması fahişələr üçün arzuolunmaz bir şərait yaratmışdı. Onlar lənətlənir, daşlanır, hər yerdən qovulurdular.

 

Roma Mesapotomiyanı işğal elədiyi vaxt Cənnət evləri məbədlərini uçurdu və yerinə xristian inancının yayılması üçün yeni məbədlər inşa elədi. Bununla da fahişəlik müqəddəs iş olmaqdan çıxıb əxlaqsız peşəyə çevrildi.

 

LENT

16 Dekabr 2017
15 Dekabr 2017
14 Dekabr 2017
13 Dekabr 2017