Bu qəbilə qanı su yerinə içir - FOTO

 

XXI əsrdə hələ də texnologiya ilə tanış olmayan insan kütləsinə rast gəlmək çox çətindir. Altı ay inək qanı ilə qidalanan qəbiləyə rast gəlmək isə bundan da çətindir. Bodi qəbiləsinin keçmişdən bu günə qədər davam edən adətləri görənləri heyrətləndirir. Bu qəbilə altı ay inək qanı ilə dolanır.

 

 Kulis.az Bodi qəbiləsinin maraqlı adətlərini təqdim edir.

 

Bodi qəbiləsi dünyanın ən qəribə qəbilələrindən biridir. Bu qəbiləni digər ibtidai qəbilələrdən ayıran xüsusiyyət altı ay boyunca inək qanı ilə qidalanmalarıdır. Yaxşı, bəs niyə inək qanı?

 

 

Efiopiyanın Omo vadisində yaşayan və yarı köçəri həyat yaşayan Bodi qəbiləsi Enqai adlı tanrıya inanır. Qəbilə içində qaydaları isə yaşlılar müəyyən edir. Aralarında mübahisə yarandıqda dava etmək yerinə bir-birlərinə iribuynuzlu heyvan hədiyyə edir, münaqişəni bu şəkildə həll edirlər.

 

 

Bodi qəbiləsi köçəri həyatı heyvanlardan öyrənib. Heyvanlar fəsil dəyişkənliyi zaman yer dəyişdirdikdə bodi qəbiləsi də onlarla birlikdə köçür. Bunun sayəsində onların qanı ilə qidalanırlar.

 

 

Bodi qəbiləsinin nümayəndələri kol-kosdan, ağac budaqları və təzəkdən hazırlanmış evlərdə yaşayırlar. Evlərdəki təkgöz otaqlarda ana, ata və uşaqlar, evin girişində isə inəklər və başqa heyvanlar qalır. Bu qədər yoxsulluğun içində kədərlənmək yerinə xoşbəxt olmağı seçirlər.

 

 

Əsasən çılpaq gəzən qəbilə üzvləri digər qəbilələr kimi xaricilərə qarşı soyuq münasibət bəsləmirlər. Əksinə qonaqları evlərində qarşılayırlar. Bəzən turistləri də inək qanına qonaq edirlər.

 

 

Bu qəribə qəbilədə gombul olmaq qızıl qaydadır.

 

Qəbilənin qadınları daha çox evdə qalaraq müxtəlif bəzək əşyaları düzəldirlər. Düzəltdikləri muncuqları, ovçuluq alətləri, müxtəlif heyvanlara aid diş, dırnaq və fil tükündən hazırladıqları bilərzik və başqa zinət əşyalarını bölgəyə gələn turistlərə satırlar. Hətta marketləri belə var.

 

 

Kişilərsə ovçuluqla məşğul olurlar. Beləcə dolanışıqlarını çıxarırlar.

 

Qadınlar keçi dərisindən düzəltdikləri paltarları geyir, kişilər isə sadəcə bellərinə bağladıqları incə parça ilə gəzirlər.

 

 

Bodi qəbiləsində yeni il şənlikləri zamanı gənclər arasında “Gombul adam” yarışı keçirilir. Kökəlmənin formulu isə çox sadədir: qan.

 

Gənclər altı ay boyu fasiləsiz şəkildə qan içir, bununla da çəkiləri ikiqat artır.

 

Kael adlanan mərasim zamanı isə altı ay boyunca ən çox kökəlmiş şəxs mükafatlandırılır.

 

 

Qarğıdalı, qəhvə və kalış (darıyaoxşar dənli bitki) kimi bitkilər becərən qəbilə bu mərasim zamanı çoxlu turist qəbul edir.

 

Qəbilənin dünyaya tanınmasında fransız fotoqraf Eric Lafforgue-nin müstəsna xidmətləri olub.

 

LENT

23 Oktyabr 2017
22 Oktyabr 2017
21 Oktyabr 2017
20 Oktyabr 2017
19 Oktyabr 2017