Goranboyda 11 min il yaşı olan əşyalar tapılıb

AMEA-nın Arxeologiya və Etnoqrafiya İnstitutunun Naftalan-Goranboy arxeoloji ekspedisiyası Naftalan şəhəri və Goranboy rayonu ərazisində arxeoloji tədqiqatlar aparır.

 

Kulis.azın verdiyi xəbərə görə, ekspedisiyanın rəhbəri, institutun aparıcı elmi işçisi, tarix üzrə fəlsəfə doktoru Müzəffər Hüseynov tədqiqatlar nəticəsində 20-dən artıq kurqan və iki yaşayış yerinin qeydə alındığını bildirib.

 

Bundan əlavə, eramızdan əvvəl IX-VIII əsrə aid edilən Goranboy rayonunun Tatarlı kəndi ərazisindəki Muncuqlu nekropolunda arxeoloji tədqiqatlar davam etdirilib. İki hektar ərazini əhatə edən Nekropol 2007-ci ildə qeydə alınıb və sonrakı illərdə səkkiz qəbir tədqiq olunub. Qəbirlərdəki skeletlərin ətrafından 19 ədəd saxsı qab, 200-dən artıq bəzək əşyası, muncuqlar, metaldan hazırlanmış bıçaq, iynə və digər maddi-mədəniyyət nümunələri aşkarlanıb.

 

Nekropolda bu il daha dörd qəbirdə arxeoloji tədqiqatların aparılması planlaşdırılır.

 

LENT

23 İyun 2017
22 İyun 2017
21 İyun 2017
20 İyun 2017